Calendar

住曼城嘅你，對市中心嘅Northern Quarter 區有乜嘢印象？ 好多塗鴉？ 好亂？ 好型？ 好多小店？ 次文化？ 定係記得以前呢度有間讀一書店？ 有無諗過，其實喺呢區有好多地標同歷史都可以同香港做對比，有啲位好似深水埗、旺角，甚至係中上環。 讀一導賞員波波，今次同香港文化社合作，帶大家走遍Northern Quarter 嘅大街小巷，尋找嗰種似曾相識嘅香港感覺。 導賞員簡介： 波波，又名讀一店員B，係個古蹟導賞員，喺香港同英國策劃過大大小小嘅導賞團。地點及主題包括：前深水埗配水庫、Victoria Baths、Salford、Rochdale Town Hall。深信導賞可以為生活帶嚟新視角。 活動詳情: 日期：11月7日 （星期六） 收費：£5 (文化社經費資助價） 時間：1400-1500 導賞員：波波（讀一團隊成員，古蹟導賞員） [...]

飛雪連天射白鹿 笑書神俠倚碧鴛 金庸筆下嘅武俠世界陪伴咗無數人成長，無論你曾經沉迷原著小說，定係透過其他媒介認識佢嘅作品，相信都唔會對佢嘅作品感到陌生。 來到英國之後，你有冇曾經因為一句說話、一個角色，甚至一種俠義精神，而再次想起金庸嘅作品？ 今次《讀L之夜》，我哋誠邀大家一齊分享自己讀過嘅金庸小說，交流閱讀感受，暢談江湖事，道盡俠客情!! 不論資深書迷定初接觸金庸，都歡迎加入討論！ 日期：11月25日（星期三） 時間：下午5:45 至 7:45 地點：曼城中央圖書館2樓商務及知識產權中心 費用：£5 [費用全數交予義工主持作車馬費]